Дебата уште на стартот во НБА: За судиите овде немаше чекори од Ламело Бол (ВИДЕО)

22 октомври 2026 - 11:12

Кошаркарите на Минесота го декласираа Мајами со 131-106, но дел од вниманието го привлече ЛаМело Бол при своето официјално деби за Тимбервулвс.

Бол во првата четвртина ја искористи блокадата на Руди Гобер, се ослободи од Тим Хардавеј Јуниор и од чекор наназад погоди тројка. Сепак, пред шутот, како што може да се види на снимката, направи неколку чекори повеќе откако престана да ја води топката. Судиите не реагираа, продолжувајќи го така трендот на „замижување“ пред очигледните чекори на одредени ѕвезди, кој е присутен во претходните сезони.

За работите да бидат уште полоши, судијата Џонатан Стерлинг ја имаше акцијата директно пред себе, но не ја прекина играта. На снимката јасно се гледа дека Бол направи најмалку три чекори повеќе.

Интересно е што Минесота на својот профил на социјалните мрежи го објави видеото од акцијата со пораката „CLEAN“ („ЧИСТО“) и емотикон, со што се пошегува на сметка на целата ситуација.

Според правилата на НБА-лигата, играчот што ја фаќа топката додека е во движење смее да направи два чекора за да запре, да додаде или да шутира.

Бол го заврши натпреварот со 21 поен, со учинок од 5/13 при шутот за три поени и шест асистенции. Погодената тројка остана призната, а Минесота на крајот славеше со 25 поени разлика.