Скандал во НФЛ: Дефанзивец на Бафало плукна противник в лице – веднаш беше избркан (ВИДЕО)

Дефанзивецот на домашниот тим, Си Џеј Гарднер-Џонсон, заработи директно исклучување од натпреварот откако го плукна тајт-ендот на Лас Вегас, Брок Бауерс. Љубителите на американскиот фудбал имаа можност да уживаат во извонредно офанзивно издание на двете екипи кое резултираше со вкупно четири тачдауни со додавање. Квартербекот Кирк Казинс забележа 313 фрлени јарди, додека Џош Ален заврши со 255 јарди. Сепак, наместо за овие спортски достигнувања, фокусот на јавноста по мечот беше насочен кон крајно непримерниот потег на дефанзивецот на екипата од Њујорк.

По завршувањето на средбата, Гарднер-Џонсон се обиде да го објасни инцидентот, упатувајќи јавно извинување за својата непромислена реакција.

„Само разговаравме и се расправавме. Не се случи ништо лошо, не ми направи ништо. Беше тоа само таков момент на расправија и ето... Имам натпреварувачка природа и сум многу страствен кога станува збор за спортот, тоа е голем дел од мојот карактер. Разбирам дека претерав и дека вакви граници не смеат да се преминуваат. Мојата постапка беше несоодветна, непотребна и многу грда, и не ја покажува почитта што ја имам кон него и кон овој спорт“, изјави играчот на Бафало.

Од друга страна, Брок Бауерс беше очигледно затечен и шокиран од целата ситуација.

„Не знам што се случи. Само разговаравме и потоа... Не знам“, кратко прокоментира тајт-ендот на Рејдерс.