Зверев од понеделник ќе биде број еден, ама финале во Шангај нема да игра! (ВИДЕО)

17 октомври 2026 - 13:06

Алехандро Давидович Фокина се пласираше во финалето на Мастерсот во Шангај откако во полуфиналето беше подобар со 2-1 од Александер Зверев.

Од понеделник и официјално најдобриот тенисер во светот, Зверев по два часа и две минути ја загуби неизвесната битка. Првиот сет го доби со 7-:5, но вториот му припадна на Фокина со 6-4, а третиот со 6-3.

На тој начин, шпанскиот тенисер направи голем успех и како 26. на АТП-листата го совлада Германецот, кој наскоро ќе биде прв играч во светот.

По голема битка од 42 минути, Зверев успеа да го скрши отпорот на Фокина и со брејк во 11. гем го освои првиот сет. Се чинеше дека ќе го освои и вториот и ќе стигне до своето петто финале оваа година.

Сепак, Фокина го изненади Германецот, направи брејк во завршницата на вториот сет и со 6-4 израмни на 1-1.

На почетокот на решавачкиот сет, Шпанецот веднаш направи брејк и поведе со 2-0. Со предноста во гемови, успеа целосно да го надигра одличниот Германец и да стигне до голема победа. Во финалето ќе игра против подобриот од дуелот меѓу Ходар и Медведев, кој треба да започне нешто по 13 часот по наше време.