ПСЖ го прегази Целје, Партизан и Раул немоќни против Веспрем

14 октомври 2026 - 20:35

Ракометарите на ПСЖ го запишаа третиот триумф во Лигата на шампиони (ЛШ), откако беа подобри од Целје со 41-30, додека Веспрем ја продолжи победничката серија откако го надигра Партизан со 38-28.

Парижаните во воведните минути од мечот се обидуваа да го скршат отпорот на Целје (10-10), а тоа конечно им успеа на средината од полувремето по што доминираа во нападот и го добија првото полувреме со 22-14.

Вториот дел беше само рутина за француската екипа, која дополнително ја зголемуваше предноста во однос на противникот и на крајот славеше со 41-30.

Партизан тргна лошо против Веспрем, но успеа да се врати и израмни (8-8). Сепак тоа беше последниот добар момент кај гостите, кои потоа не успеаја да фатат ритам и да му парираат на ривалот.

Веспрем доминираше на теренот и на крајот оствари победа од 10 голови разлика (38-28). Најефикасен во победничкиот тим беше Драган Пехмалбек со осум голови, додека Вагнер запиша девет погодоци за Партизан.

Останати резултати:

Алборг – Загреб 34-33
Магдебург – Кјелце 30-27
Колштад – Криенс 28-36

Фото: Facebook/PSG Handball