Несторовски блесна со два гола: Славен Белупо ја уништи Риека!

11 октомври 2026 - 19:55

Славен Белупо славеше против Риека со 4-1 во деветтото коло од хрватскиот шампионат, а македонскиот напаѓач Илија Несторовски блесна со два погодоци за неговиот тим.

Риека дојде до водство преку Дантас од пенал во седмата миунта, но тоа ги налути домаќините кои набрзо стрелаа преку Мерсинај за 1-1.

На почетокот на вториот дел Бановец погоди за целосен пресврт (2-1), а Несторовски со два погодоци, во 69. и 74. минута, ја потврди големата победа на Славен Белупо.

Несторовски по девет одиграни кола има седум постигнати голови, додека Славен Белупо се наоѓа на седмата позиција со 10 поени.

Фото: Facebook/NK Slaven Belupo