Гвардиола не го заборави Сити: Пеп се враќа на „Етихад“ кога на клубот му е најтешко!

08 октомври 2026 - 08:29

Поранешниот тренер на Манчестер сити, Пеп Гвардиола реши да се врати на „Етихад“ за првпат по разделбата, а неговиот план е да го следи натпреварот меѓу премиерлигашот и ПСЖ во Лигата на шампиони (ЛШ).

Гвардиола со многу успех го предводеше гигантот од Манчестер во изминатите години и освои дури 20 пехари, меѓу кои се шест титули во Премиер лигата и една во елитното натпреварување на УЕФА.

Доаѓањето на трофејниот стратег на трибините е во период кога „граѓаните“ минуваат низ еден од најтешките периоди во нивната историја, откако претходно независната комисија ги прогласи за виновни за 114 од вкупно 115 обвинувања за кршење на финансиските правила на Премиер лигата во период од сезоната 2009/10 до 2017/18.

Клубот негираше дека е виновен и испрати жалба за извештачите според кои премиерлигашот наводно лажно ги зголемил приходите за неверојатни 830 милиони фунти преку фиктивни спонзорски договори.

Натпреварот меѓу Манчестер сити и ПСЖ се игра на 14 октомври од 21 часот на „Етихад“. 

Фото: Facebook/Manchester City