Ѓоковиќ: Ако решам еден проблем, не гледам пречка да играм на Олимписките игри

Српскиот тенисер по мечот зборуваше за необичниот крај на дуелот, својата физичка состојба, но и за амбициите да настапи на Олимписките игри во Лос Анџелес во 2028 година.

Искусниот тенисер смета дека квалитетот на неговата игра не е проблем, туку дека најважно е да ги реши физичките и здравствените проблеми со кои се соочува.

„Што се однесува до самата игра, не изгледа далеку. Кога се чувствувам добро здравствено, многупати во последните неколку години докажав дека можам да ги победам најдобрите тенисери во светот. Не сум загрижен за мојата игра ниту за менталната состојба. Загрижен сум поради физичките и здравствените проблеми на кои се обидувам да им влезам во трага и да ги решам. Ако успеам, не гледам пречки да настапам на Олимписките игри“, истакна Ѓоковиќ.

По пласманот во финалето, Ѓоковиќ ќе има можност да продолжи со успешните настапи во Пекинг и да освои уште еден трофеј во кариерата. Негов противник ќе биде Алекс де Минор, а српскиот тенисер ќе се обиде уште еднаш да покаже дека и понатаму може да се бори за најголемите титули.