Реал Мадрид достави илјадници докази против Барселона за случајот „Негреира“

01 октомври 2026 - 17:42

Случајот „Негреира“ повторно е во центарот на вниманието, откако Реал Мадрид достави обемен доказен материјал до УЕФА во врска со постапката која се однесува на исплатите кон поранешниот потпретседател на Комитетот за судии во Шпанија, Хозе Марија Енрикез Негреира.

Шпански „АС“ објави дека „кралевите“ доставиле дури 50.000 страници документи, како и други докази и изјави поврзани со случајот, а УЕФА официјално потврди дека ја примила документацијата и ќе ги разгледаат како дел од постапката.

Ова ќе предизвика нова драма во Шпанија поради случајот со исплатите на Барселона кон компании поврзани со Негреира во период од 2001 до 2018 година, а се споменува сума од над осум милиони евра.

Барселона веќе соопшти дека исплатите биле поврзани со добивање совети, но и технички извештаи за судењето, меѓутоа Реал Мадрид побара да продолжи постапката и посочи дека овој потег на нивниот вечен ривал може да има последици врз интегритетот на натпреварувањето.