Втор пораз во четвртиот натпревар за Ангеловски со Таџикистан

28 септември 2026 - 16:39

Поранешниот македонски селектор Игор Ангеловски во ефикасен натпревар го претрпе вториот пораз како селектор на Таџикистан од Палестина со 4-2.

На натпреварот кој се играше на неутрален терен во Кина избраниците на Ангеловски го претрпеа вториот пораз во низа, пред три дена загубија и во Баку од Азербејџан.

На денешниот дуел Палестина постигна два гола во првото полувреме за водство од 2-0 на паузата. Второто полувреме донесе по два погодоци и на двете страни за конечни 4-2.

Прилика за поправање на впечатокот Таџикистан и Ангеловски ќе имаат на 6 октомври кога ќе се соочат со селекцијата на Кина. Ангеловски на клупата на Таџикистан има уште по едно реми (1-1) и победа против Индија (3-1) исто така во пријателски натпревари.