ОАКА во транс: По 5.227 дена - Обрадовиќ повторно на клупата на ПАО (ВИДЕО)

24 септември 2026 - 21:45

По точно 5.227 дена, легендарниот српски тренер Жељко Обрадовиќ повторно застана покрај клупата на Панатинаикос во „ОАКА“, а неговото враќање беше проследено со спектакуларен пречек од навивачите.

Пред почетокот на натпреварот против Париз, Обрадовиќ излезе на теренот, а илјадниците навивачи го поздравија со громогласни овации и скандирање на неговото име. Тренерот им возврати со аплауз, во сцени кои покажаа колку силна е врската меѓу него и зелениот дел од Атина.

Самото враќање на Обрадовиќ во Панатинаикос претставува голем момент за клубот. Во својот прв мандат на клупата на грчкиот гигант, тој освои пет титули во Евролигата. Сега, по повеќе од една деценија, Обрадовиќ повторно го предводи Панатинаикос во елитното европско натпреварување. Неговото враќање беше едно од централните случувања во пресрет на новата евролигашка сезона, а клубот на социјалните мрежи ја опиша атмосферата со едноставна порака: „Кралот се врати“.

Интересно е што самиот Обрадовиќ пред натпреварот се обиде да ги стави емоциите во втор план и истакна дека неговиот фокус е подготовката за мечот и работата на тимот. Сепак, реакцијата на навивачите покажа дека за нив овој момент е многу повеќе од обичен почеток на нова сезона.