На чекор до медал: Боксерот Рустемовски гази сè пред себе на ЕП во Софија!

Во денешната осминафиналната борба, македонскиот претставник славеше во пресметката со англискиот боксер Вилијам Хјуит со судиска одлука од 4-1, со што дојде на само една победа од освојување на медал. Пласманот меѓу осумте најдобри значи дека Рустемовски е на чекор до најмалку бронзено одличје, што би претставувало најголем успех во неговата досегашна спортска кариера.

Следниот предизвик за македонскиот боксер е закажан за задутре (среда), кога ќе има можност да направи уште еден голем чекор на шампионатот. Со триумфот над Хјуит, Рустемовски заработи дополнителни 150 рејтинг-поени. Тежината на овој успех дополнително ја нагласува податокот дека на ЕП во Софија настапуваат околу 400 боксери и боксерки од вкупно 40 земји.