Шпанија не запира по светската титула: Де ла Фуенте сака да освои нов трофеј!

18 септември 2026 - 19:24

Селекторот на Шпанија, Луис де ла Фуенте не дозволува репрезентативците долго да уживаат во историскиот успех. Актуелниот светски и европски шампион веднаш го насочува вниманието кон новите предизвици, а тоа е Лигата на Нации.

Шпанија летово ја освои светската титула со победата над Аргентина во финалето, но веќе на 26 септември ја очекува нов голем предизвик - гостување кај Англија во Лигата на нациите. Само три дена подоцна, на 29 септември, Шпанците ќе ја пречекаат Хрватска во Севилја.

Де ла Фуенте откри дека веднаш по финалето на Светското првенство еден од неговите фудбалери му поставил прашање што следно останува да се освои, а одговорот бил јасен - Лигата на нации.

„Овој тим не запира. Светското првенство не ни е доволно, мораме да бидеме подобри. Тоа што го направивме не е доволно за победа на следниот натпревар“, порача Де ла Фуенте.

Шпанија на 26 септември игра против Англија, па потоа на 29 септември против Хрватска. Трет предизвик ќе им биде Чешка на 3 октомври, додека три денови подоцна повторно ќе се соочат со Хрватска.

Фото: Selección Española de Fútbol (SeFutbol) /Facebook