Зверев го освои Њујорк за втора Гренд слем титула во кариерата

Германецот одигра одлично финале, а и покрај силниот отпор на Шелтон и огромната поддршка од домашната публика, успеа да го задржи натпреварот под контрола.

Добро го започна мечот и со сигурна игра од основната линија брзо ја презеде иницијативата. Првиот сет го доби со 6-3, додека во вториот двајцата тенисери водеа голема битка. Сепак, Зверев беше посигурен во тај-брејкот и го освои со 7-2. Шелтон не се предаде. Американецот во третиот сет ја зголеми агресивноста, почна почесто да напаѓа и успеа да го врати натпреварот во неизвесност. Со победата од 7-5 намали на 2-1 во сетови и ја подигна атмосферата на трибините.

Сепак, Зверев не дозволи целосен пресврт. Во четвртиот сет повторно воспостави целосна контрола, го притисна сервисот на противникот и со 6-2 го заврши мечот. За Зверев ова е особено важна титула. Германецот пред шест години токму на УС Опен беше многу блиску до својот прв Гренд слем трофеј, но во финалето во 2020 година загуби од Доминик Тим, иако имаше предност од два сета. Сега конечно стигна до трофејот во Њујорк.

За Бен Шелтон, пак, и покрај поразот, настапот во Њујорк претставува голем успех. Американецот за првпат во кариерата играше во финале на Гренд слем турнир, откако на патот до мечот за титулата оствари големи победи. Шелтон со пласманот во финалето влезе и во историјата како првиот црн американски тенисер кој стигнал до машкото финале на УС Опен по Артур Еш во 1972 година.