Мурињо: Некој ривал наскоро ќе плати за сите промашени шанси и ќе прими шест-седум гола!

Португалскиот стратег истакна дека триумфот е од голема важност, особено по претрпениот пораз во претходната рунда. Според него, прашањето околу победникот било решено уште во првото полувреме, што претставува успех со оглед на физичкиот и менталниот напор по натпреварот против Интер одигран пред само три дена. Мурињо призна дека забележал знаци на замор кај своите избраници, но по направените замени тимот успеал да ја пронајде потребната стабилност и да го приведе дуелот кон мирен крај, за што играчите добија пофалби.

„Постигнуваме многу голови, но исто така пропуштаме огромен број шанси. Кога напаѓаме, ние сме тим со интензитет. Не сме од типот на тим што поминува десет минути додавајќи ја топката пред да шутира – ние сме френетични, а кога ќе забрзате, одлуките стануваат потешки. Еден ден, некој противник ќе плати за сите пропуштени шанси, и ќе постигнеме шест или седум гола. Но, среќен сум со оваа брза победа“, изјави Мурињо на прес-конференцијата.

Осврнувајќи се на индивидуалните перформанси, тренерот нагласи дека влегувањето на Арда Ѓулер на теренот значително ја подобрило и стабилизирала играта на мадридскиот состав. Објаснувајќи ја својата одлука тој да не биде стартер, Мурињо истакна дека доколку го започнел мечот со Ѓулер, медиумите сигурно ќе прашувале зошто Диоманде не е во првиот тим, заклучувајќи дека е исклучително среќен што располага со силна и квалитетна клупа за резервни играчи.