Дејвид по една сезона си замина од Јувентус и се пресели во Мадрид (ВИДЕО)

Двата тима постигнаа договор за едногодишна позајмица, во која е вклучена опција шпанскиот клуб целосно да го откупи неговиот договор следното лето за сума од 25 милиони евра. Трансферот е во завршна фаза, откако Дејвид утрово отпатува од Торино за Мадрид. Се очекува тој да го стави својот потпис на договорот со „јорганџиите“ веднаш по завршувањето на деталните медицински прегледи. Неговото заминување од Италија следува по периодот во кој тој не успеа да ги исполни очекувањата и да се наметне во системот на игра на „старата дама“.

Истовремено, раководството на Јувентус веќе ја осигура замената за канадскиот голгетер. Нова опција во нападот на италијанскиот клуб ќе биде германскиот интернационалец Ник Волтемаде. Тој пристигнува во Торино од редовите на англискиот премиерлигаш Њукасл, а договорот е дефиниран како класична позајмица во времетраење од една натпреварувачка сезона.