Димарко во Барселона, Балде во Интер? Два гигантa подготвуваат сензационална размена

Преговорите веќе се во тек, но операцијата се смета за исклучително комплицирана. Главната пречка е ставот на Интер, кој не сака лесно да се откаже од Димарко, еден од најважните фудбалери во тимот во последните години.

Од друга страна, ситуацијата на Балде во Барселона значително се промени. Левиот бек има сè помала улога во плановите на Ханси Флик, особено по доаѓањето на Жоао Кансело и добрите настапи на младиот Чави Еспарт. Балде не доби минутажа во првите две кола од новата сезона, што дополнително ги поттикна шпекулациите за негово заминување. Барселона во Димарко гледа фудбалер кој би донел големо искуство, офанзивен квалитет и дополнителна сигурност на левата страна. Италијанскиот репрезентативец минатата сезона имаше одличен учинок, со осум гола и 18 асистенции во сите натпреварувања, па неговото евентуално доаѓање би било сериозно засилување за тимот на Флик.

Интересно е што Балде, според информациите, не инсистира на заминување и сака да остане во Барселона и да се бори за своето место во тимот. Сепак, клубот ја разгледува можноста неговото заминување да биде искористено за да се реализира големиот план со Димарко. Барселона наводно е подготвена да додаде и финансиски надомест за да го убеди Интер да ја прифати размената. Сепак, „нероаѕурите“ засега не дале зелено светло за заминување на Димарко.

Со оглед на тоа што преодниот рок влегува во самиот финиш, останува малку време за реализација на оваа сензационална операција. Доколку се постигне договор, Барселона би добила искусен италијански репрезентативец, додека Интер би добил млад лев бек со голем потенцијал.