Казната заврши: Шкендија повторно ќе игра пред публика!

18 август 2026 - 17:21

Македонскиот вицепрвак Шкендија соопшти дека завршила суспензијата, која ја доби по финалето во Купот на Македонија во минатата сезона, па така на дербито против Струга ќе може да присуствуваат навивачи.

Тетовци ќе ја пречекаат Струга во комплексот „Петар Милошевски“ во Скопје од 19 часот под рефлектори, а публиката ќе може да им даде поддршка во борбата за нова победа во шампионатот.

Шкендија по три одиграни кола во Првата лига има девет освоени бодови и се наоѓа на првото место, додека Струга е трета со седум поени.

Фото: Facebook/Шкендија ФК