Дориев со петтиот гол во последните 15 дена ѝ донесе нов триумф на Согдиана (ВИДЕО)

Тој го постигна првиот гол во победата на својот тим против Кизилкум (2-1) во натпреварот од 18. коло на првенството. Македонскиот офанзивец ја затресе противничката мрежа во 38. минута со што ѝ донесе на Согдиана водство од 1-0, најавувајќи го триумфот на својот тим. Неговата моментална форма е импресивна. За Дориев ова беше петти погодок во последните само 15 дена, а вкупно 13-ти сезонава во узбекистанскиот шампионат.

Со ваквиот голгетерски учинок македонскиот репрезентативец дополнително се зацврсти на врвот на листата на стрелци. Неговата Согдиана во моментов е осмопласирана со 24 бодови, шест повеќе од првиот тим што е во црвената зона за испаѓање.