Еден од најбогатите луѓе во светот купи акции во Ливерпул

14 август 2026 - 21:54

Еден од најбогатите луѓе во светот, Џеф Безос заедно со уште неколку бизнисмени, меѓу кои и Амит Батија, купија 30 отсто од акциите во поранешниот англиски и европски шампион Ливерпул.

Сопствениците на Ливерпул, американската групација „Фенвеј Спортс Груп“ соопшти дека им продале околу третина од акциите на новите богати инвеститори.

Без разлика на новите инвеститори во клубот, главни и одговорни за одлуките во спортскиот дел се очекува да останат „Фенвеј Спортс Груп“.

Според проценките, вредноста на договорот меѓу двете страни за купување на 30 отсто од акциите изнесува неверојатни 1,65 милијарди фунти.

Фото: Liverpool FC /Facebook