„Л’Екип“ изненади со фаворитот за освојување на „Златната топка“

Кварацхелија го пропушти Светското првенство (СП), но не се откажа од амбициите да ја освои наградата, па така според „Л’Екип“, фудбалерот на ПСЖ има најголеми шанси за признанието бидејќи изминатиот период го поминал да се подготви максимално за почетокот на новата сезона.

Грузиецот веќе е прогласен за најдобар фудбалер во Лигата на шампиони (ЛШ) за минатата сезона, а исто така на 48 настапи во сите натпреварувања постигна 19 голови и четири асистенции.

Експертите, сепак, сметаат дека трката за „Златната топка“ е отворена и за неа ќе се борат повеќе фудбалери, а уште еден сериозен кандидат за неа е Хари Кејн, кој блесна во дресот на Баерн Минхен.

Зад нив е Ламин Јамал, кој беше одличен во дресот на Барселона, а исто така ја предводеше Шпанија до светскиот трон.