Јувентус крена раце од трансферот на Мартинез, Јунајтед тргнува по лев бек на Арсенал!

Според најпознатиот трансфер-инсајдер Фабрицио Романо, „старата дама“ уште пред неколку дена донела одлука да не продолжи со преговорите, а сега и официјално ја известила Астон Вила дека се откажува од ангажманот на светскиот шампион со Аргентина.

Во меѓувреме, Манчестер Јунајтед продолжува со потрагата по засилување на левата бековска позиција, а на листата желби на „црвените ѓаволи“ се наоѓа и 19-годишниот Мајлс Луис-Скели од Арсенал.

Прва опција за Јунајтед и понатаму останува Луис Хол од Њукасл, но доколку тој трансфер не се реализира, клубот би можел да се насочи кон младиот фудбалер на Арсенал. Луис-Скели минатата сезона беше стартер на само пет натпревари во Премиер-лигата, а жестока конкуренција има од Рикардо Калафиори и Пјеро Инкапје. Неговиот договор со „топчиите“ важи уште четири години, а неговата вредност изнесува околу 38,5 милиони фунти.