Уште еден македонски репрезентативец го обнови договорот со МЗТ Скопје!

21 јули 2026 - 13:28

Македонскиот кошаркарски шампион МЗТ Скопје продолжува со формирањето на ростерот за новата сезона, откако ја продолжи соработката со репрезентативецот Андреј Маслинко.

Искусниот крилен центар стави потпис на нов едногодишен договор и ќе остане дел од тимот од Аеродром и во натпреварувачката сезона 2026/27. За 29-годишниот кошаркар висок 208 сантиметри ова ќе биде седма сезона во сино-белиот дрес, во кој настапува од 2017 година. Во досегашниот престој во МЗТ Скопје освои три шампионски титули (2019, 2025 и 2026) и три трофеи во Купот на Македонија (2018, 2025 и 2026), а во својата кариера има вкупно четири куп-пехари.

Од клубот очекуваат Маслинко целосно подготвен да ја дочека новата сезона, без здравствени проблеми и да биде еден од носителите на играта во обидот МЗТ Скопје да ги одбрани домашните трофеи, но и да остави што подобар впечаток во настапите во ФИБА Еврокупот и АБА2 лигата.

Претходно клубот ги продолжи договорите со капитените Дамјан и Војдан Стојановски, а во тимот пристигнаа Лука Стојановски, Никола Василевски и босанскиот интернационалец Емир Крајиниќ. Под договор со актуелниот шампион останува и Андреј Андоноски.