Скалони има шанса за историски подвиг - прв селектор по 88 години со две титули на СП

17 јули 2026 - 21:47

Лионел Скалони има 48 години и ја презеде функцијата селектор на аргентинската репрезентација во 2018, по катастрофалното Светско првенство (единственото од последните четири на кое „албиселесте“ не стигна до финалето). Презеде скршен тим, но со една карта пред игра: Меси сè уште во одлична форма.

Осум години подоцна, тренерот кој живее во Мајорка би можел да стане, доколку Аргентина го освои финалето во недела, најдобриот тренер во модерната историја на Светските првенства, изедначувајќи се со Италијанецот Виторио Поцо како единствен двократен победник на Светските првенства. Поцо го постигна овој подвиг како селектор на Италија во 1934 и 1938 година. Ако Скалони успее, ќе стане прв селектор во во модерната фудбалска историја со две титули на мундијалите бидејќи Поцо го направи тоа во зародишот на овие манифестации, пред 88 години.

Историјата вели дека 21 различни тренери го освоиле Светското првенство и ниту еден не го сторил тоа додека бил од различна националност од својот национален тим (Томас Тухел можеше да го стори тоа).

Постојат пет тренери кои биле и шампиони и второпласирани: Германците Хелмут Шен (победник во 1974 година, второпласиран во 1966 година) и Франц Бекенбауер (победник во 1990 година, второпласиран во 1986 година), Аргентинецот Карлос Салвадор Биљардо (победник во 1986 година, второпласиран во 1990 година), Бразилецот Марио Загало (победник во 1970 година, второпласиран во 1998 година) и Французинот Дидие Дешамп (победник во 2018 година, второпласиран во 2022 година).

Бразилецот Карлос Алберто Пареира го држи рекордот за селектор на шест различни Светски првенства, водејќи пет различни национални селекции.