ФИФА конечно објави колку ќе трае паузата меѓу двете полувремиња во финалето

17 јули 2026 - 20:28

По многу шпекулации и разни медиумски извештаи, ФИФА официјално го објави времетраењето на паузата меѓу двете полувремиња од финалето на Светското првенство во 2026 година помеѓу Шпанија и Аргентина, кое ќе се игра на стадионот „МетЛајф“ во Њу Џерси в недела во 21 часот.

ФИФА потврди дека паузата помеѓу двете полувремиња ќе трае 17 минути, само две минути подолго отколку во редовните натпревари.

Според информациите доставени од ФИФА до Шпанската и Аргентинската фудбалска асоцијација, музичката програма за време на паузата ќе трае 11 минути, додека преостанатото време ќе се искористи за поставување и симнување на сцената, како и за наводнување на теренот.

Малкумина веруваат во ова бидејќи се очекува на паузата да настапат светски музички ѕвезди како Мадона, Шакира и Џастин Бибер, но организаторите нагласија дека програмата нема значително да го продолжи времетраењето на натпреварот.

ФИФА, исто така, потврди дека практиката воведена за време на ова Светско првенство поради високите температури останува на сила. Така, во финалето ќе бидат организирани две паузи за хидратација - една во средината на првото и второто полувреме.