Македонска репрезентативка се откажа од играње ракомет и напиша потресна порака! (ФОТО)

Таа откри дека осум години од својот живот му ги посветила на ракометот, период исполнет со тренинзи, натпревари, повреди, солзи, победи и порази, но и со вредни животни лекции.

„Ракометот не беше само спорт за мене. Беше мој втор дом. Место каде што пораснав, созреав и изградив дел од тоа што сум денес“, напиша младата голманка.

Во својата порака, истакна дека секогаш играла со срце и верувала дека трудот, чесноста и посветеноста ќе бидат препознаени, но признава дека животот ја научил дека тоа не е секогаш доволно.

„Имаше моменти кога беше тешко. Кога повеќе болеше неправдата отколку секој тренинг. Кога сфаќаш дека понекогаш не одлучуваат само квалитетот, работата и желбата“, стои во дел од нејзината објава.

Сепак, Чурлиновска нагласува дека не си заминува разочарана, туку со мир и благодарност кон сите тренери, соиграчки и луѓе кои искрено верувале во неа.

„Горда сум што никогаш не се откажав од себе, што секогаш останав верна на своите вредности и што знам дека секогаш го дадов максимумот“, додава таа.

На крајот, младата голманка, која последно бранеше за ЖРК Атлетик, испрати и силна порака до девојките кои сонуваат за спортска кариера

„Никогаш да не дозволувајте некој да ве убеди дека не вредите. Работете, верувајте во себе и останете луѓе - без разлика на се“, заврши Чурлиновска.

Иако нејзиното поглавје на ракометните терени завршува прерано, голманката потенцира дека спомените, искуствата и љубовта кон играта ќе останат дел од неа засекогаш, изразувајќи надеж дека во иднина спортот ќе биде место каде што најмногу ќе се ценат трудот, карактерот и љубовта кон играта.