Пролет се откажа од Суперлигата, ама - нема да згасне!

13 јули 2026 - 10:31

Еден од најдолговечните ракометни колективи, екипата на Пролет, следната сезона нема да настапува во Суперлигата, откако официјално соопшти дека, по завршувањето на договорот со долгогодишниот генерален спонзор, донеле тешка одлука да се повлечат од елитното натпреварување и во сезоната што следува да играат во Првата лига.

Во соопштението се наведува дека одлуката е донесена по детална анализа и со цел да се зачува финансиската стабилност на клубот. Од Пролет потенцираат дека не сакале да преземаат обврски кои не би можеле навремено и целосно да ги исполнат, оценувајќи дека тоа е најодговорниот потег во актуелните околности.

И покрај повлекувањето од Суперлигата, во клубот истакнуваат дека нема да отстапат од својата основна мисија – развојот на младите ракометари и продолжување на традицијата што ја градат веќе 64 години. Пролет ќе се натпреварува во Првата лига, а во наредниот период главен приоритет ќе биде обезбедување нов генерален спонзор, со чија поддршка клубот би се вратил во друштвото на најдобрите.

Целото соопштение прочитајте го ТУКА.