Нагелсман го критикуваше форматот на СП: Имам краток рок да го подготвам мојот тим!

25 јуни 2026 - 13:53

Селекторот на Германија, Јулијан Нагелсман изрази незадоволство од форматот на Светското првенство (СП), при што тврди дека неговата екипа е казнета поради освојување на првото место во групата Е.

Нагелсман вели дека има краток рок да го подготви својот тим за следниот натпревар.

„Мислам дека не е идеално да бидете казнети на некаков начин зашто сте ја освоиле групата. Секој може да замисли дека постојат подобри решенија од тоа цела сабота да гледаме снимки за да можеме на тимот в недела да му го претставиме противникот. Ја поделивме работата на сите. Јас гледам дел од снимките, а дел нашиот аналитички тим“, вели Нагелсман.

Фото: Facebook/Germany Football Team