Марко Алчевски се врати во македонскиот фудбал

22 јуни 2026 - 20:34

Екипата на Тиквеш  денеска официјално го претстави новото име на голманската позиција, Марко Алчевски.

За 24-годишниот чувар на мрежата ова претставува враќање на македонските терени по интернационалното искуство во ОФК Београд и израелскиот клуб Ерусалим, каде што настапуваше минатата сезона.

Алчевски својата кариера ја започна во Македонија, каде што го носеше дресот на Брера Струмица, а бранеше и за Борец Велес.

Новиот голман на Тиквеш има и репрезентативно искуство. Беше дел од младинските селекции на Македонија, а за репрезентацијата до 21 година запиша 17 настапи.