Вардар побара вајлд карта за ЛШ - уште пет клуба се во конкуренција

Од пријавените екипи, 21 доаѓаат од земја со фиксно место во натпреварувањето. Овие федерации се рангирани од прво до десетто место врз основа на резултатите во сезоните 2022/23, 2023/24 и 2024/25: Германија, Шпанија, Франција, Данска, Полска, Унгарија, Романија, Португалија, Хрватска и Норвешка. Пријавените екипи се поделени во три категории со тоа што е додаден и Мелсунген, кој заработи место како резултат на освојувањето на титулата во Европската лига оваа сезона. Шампионите од 10. нации со фиксно место во ЕХФ Лигата на шампионите имаат загарантирано место во натпреварувањето.

Дополнителни 10 екипи од седум од тие 10 земји со фиксно место во натпреварувањето поднеле барања за напредок од ЕХФ Европската лига. Секоја од овие федерации, рангирана од 1 до 10, имаше право да побара до две дополнителни места. Останатите шест екипи регистрирани за Лигата на шампионите на ЕХФ и кои аплицираат за место се од земји без фиксно место во натпреварувањето. Меѓу нив е и Вардар кому конкуренција за вајлд карта ќе му бидат Валур, Цеље, Партизан, Кринс-Луџерн и Кристијанштад.

Од сезоната 2026/27, системот во машката Лига на шампионите ќе се промени и ќе учествуваат 24 екипи, поделени од шест групи од по четири. Бројот на екипи по федерација е ограничен на максимум три. За сите екипи, исполнувањето на минималните услови за учество ќе биде задолжително.

Одлуката за тоа кој ќе добие специјална покана ќе биде објавена во понеделник, 22 јуни, неколку дена пред ждрепката за групната фаза на Лигата на шампионите што ќе се одржи на 26 јуни во Виена.