Ѕвезда на Гана не доби дозвола за влез во Канада - ќе го пропушти првиот меч на СП!

12 јуни 2026 - 20:23

Репрезентативецот на Гана, Томас Парти нема да настапи во првиот натпревар на Светското првенство (СП), откако не му беше дадена дозвола за влез во Канада.

ФИФА соопшти дека Парти не може да патува од базата на репрезентацијата во Бостон кон Торонто за дуелот против Панама, кој е закажан за 17 јуни.

Светската куќа на фудбалот наведе дека не учествува во имиграционите процедури на земјите домаќини и конечната одлука за влез во земјата ја носат државните институции.

Парти претходно беше обвинет во Англија за силување и сексуален напад, а тоа најверојатно е една од причините поради кои му била одбиена визата.

Фото: Facebook/Ghana Football Association