Емоциите на мексиканскиот херој: Го барав татко ми на трибините, потоа сфатив дека не е веќе меѓу нас

Напаѓачот на Фулам го постигна вториот гол во победата на својата репрезентација и му го посвети на својот покоен татко. Зборовите на Хименез по натпреварот трогнаа многумина до солзи.

„Кога топката влезе во голот, првото нешто што го направив беше да погледнам кон трибините. Од навика, го барав татко ми... и во тој момент сфатив дека тој не е физички таму за да ме види како постигнувам гол на Светско првенство на домашен терен. Овој гол е целосно за него. Беше неверојатно емотивен момент, едноставно не можев да ги сопрам солзите. Четири Светски првенства го чекав овој гол и да го постигнам токму тука, пред нашите луѓе, е чудо“, рече Хименез.

Овој брилијантен напаѓач се смета за еден од подобрите во Премиер лигата со години, а својот врв го достигна во дресот на Вулверхемптон, каде што беше ѕвезда на крајот од минатата деценија, заедно со покојниот Диого Жота. За жал, во 2020 година, во натпревар против Арсенал, во судир со главите со Давид Луиз претрпе сериозна повреда на черепот, што доведе до шпекулации дека би можел да ја заврши кариерата, а лекарите рекоа дека лесно можел да го изгуби животот. Ова сигурно ќе биде негово последно светско првенство бидејќи има 35 години, а му недостасуваат седум гола за да го помине Чичарито и да стане најдобар стрелец во историјата на мексиканската репрезентација.