КФМ ја продолжи соработката со еден од главните спонзори!

Од КФМ истакнуваат дека продолжувањето на партнерството претставува силна потврда за довербата што Комерцијална банка ја има во македонската кошарка и во националниот тим, кој со гордост ја претставува државата на меѓународната сцена.

 

Финансиската и организациската поддршка за најдобрата репрезентација, како што се наведува, има клучна улога во остварувањето на спортските цели, како и во обезбедувањето на оптимални услови за подготовка и настап на репрезентативците.

 

Во име на Федерацијата, стручниот штаб и играчите, КФМ упати благодарност до раководството на Комерцијална банка за препознавањето на значењето на континуираната поддршка на националниот тим.

 

Од Федерацијата изразуваат уверување дека и во периодот што следува, со заедничка соработка ќе се работи во интерес на македонската кошарка, со цел нови успеси и резултати кои ќе донесат радост и гордост кај спортската јавност во земјава.