Хрватот Прижмиќ го шокира Ѓоковиќ на стартот на турнирот во Рим

08 мај 2026 - 20:17

Новак Ѓоковиќ по долго време се врати на тениските терени, но веднаш беше елиминиран од турнирот во Рим, откако загуби од Хрватот Дино Прижмиќ со 1-2 во сетови, односно 6-2, 2-6 и 4-6.

Ѓоковиќ одлично го почна натпреварот и го освои првиот сет против Прижмиќ со 6-2, по што сите очекуваа брзо да ја заврши работата, но младиот Хрват се разигра во следниот сет и успеа да слави со 6-2.

Хрватот направи брејк и во петтиот гем на третиот сет (3-2), по што без проблеми сервираше до крајот за да слави со 6-4.