Не можеше послатко: Јунајтед преку Ливерпул до Лигата на шампионите (ВИДЕО)

03 мај 2026 - 18:37

По пауза од една сезона, Манчестер Јунајтед се враќа во Лигата на шампионите откако на три кола пред крајот на сезоната направи предност од 12 бода во однос на шестопласираниот Борнмут.

До клучната победа, Јунајтед стигна денеска против својот најголем ривал Ливерпул кого на домашен терен го победи со 3-2. Натпреварот понуди исклучително високо ниво на динамичност и неизвесност, Ливерпул беше на чекор од пресврт, но откако не успеа, домаќинот дојде до победата.

Се чинеше дека домаќинот ќе доживее катастрофа откако по само 14 минути игра преку Куња и Шешко, Јунајтед поведе со 2-0. Тука застана и со 2-0 заврши првото полувреме, а на стартот од вториот дел идентична слика, но на другата страна. Во 47. и 56. минута. Собослаи и Гакпо ги искористија киксовите на домашната одбраната и го израмнија резултатот по што двете екипи имаа неколку шанси за победа.

Сепак, клучниот момент се случи во 77. минута кога Коби Мејну искористи една одбиена топка и со прецизен удар од работ на шеснаесетникот ја смести во мрежата за водство на Јунајтед и конечен резултат.

На три кола пред крајот на сезоната Јунајтед им 64 бода и доволна предност пред ривалите која го носи во Лигата на шампионите. Блиску до тоа е и Ливерпул кој е со +6 во однос на Борнмут.