Брера ја освои Струга за екстра важна победа во борбата за опстанок

03 мај 2026 - 17:59

Со голот на Леонардо Петровиќ во 88. минута од натпреварот, екипата на Брера дојде до исклучително значајна победа на гостувањето кај Струга (1-0) и сега е на милиметри од опстанок во Првата македонска фудбалска лига.

Струмичани со ова ја прекинаа и серијата од четири натпревари без победа во домашното првенство и создадоа предност која ќе биде тешко достижна за ривалите за опстанок. Брера сега има шест бода повеќе од Пелистер и седум од Работнички на три кола пред крајот на сезоната, а со оглед на тоа што за две кола игра со испаднатиот Шкупи, веројатно нема да има проблем да ја оствари својата цел.

Она што е подеднакво важно за Брера сега е што може да обезбеди директен опстанок во елитната конкуренција бидејќи се доближи на само три бода од седмопласирансиот Арсими кој денеска одигра нерешено (1-1) против Тиквеш.

Што се однесува до мечот во Кавадарци, таму се беше решено до 29. минута. Рамадани го отвори резултатот, а Гони му донесе бод на Арсими со тоа што Тиквеш од 19. минута играше со фудбалер помалку. И Тиквеш и Арсими обезбедија опстанок, но се уште постои опасност да се најдат меѓу екипите кои ќе играат во баражот.