Алкараз можеби нема да настапи ни на Вимблдон

Сепак, некои од неговите сонародници, поранешни големи асови, сметаат дека такво нешто е премногу амбициозно.

„Карлос мора да биде исклучително внимателен, не смее да си поставува рокови кога може да се врати. Императив е да дозволи тетивата во раката целосно да се опорави. Само за околу месец и половина ќе имаме подобра слика за тоа што се случува“, смета Алекс Кореча, двократен финалист на Ролан Гарос и шампион на завршниот Мастерс. - 

Поранешниот светски број 3 вели дека постои реална опасност неговиот 22-годишен сонародник да пропушти уште еден Гренд слем по Ролан Гарос.

„Воопшто не сум сигурен дека ќе биде подготвен за Вимблдон. Мора да биде исклучително внимателен, за да може да му се опорави зглобот. Ако се врати на трева, нема да биде лесно, бидејќи играњето на оваа подлога бара ненадејни движења и тоа може да биде проблем ако зглобот е скинат“, додаде Кореча во радио емисијата „Ларгеро“. - 

Алкараз се повреди во првото коло од турнирот во Барселона пред околу десет дена. Се опорави, но се повлече од следниот натпревар. Веднаш одлучи да се повлече од Мастерсот во Мадрид, а неколку дена подоцна го стори истото и со Рим и Париз. Фактот дека еден месец пред почетокот на Ролан Гарос, каде што ги освои последните две титули, одлучи да не игра, најдобро зборува за сериозноста на повредата.