Шахтер е прв полуфиналист во Конференциската лига

16 април 2026 - 20:54

Шахтер одигра нерешено на гости кај АЗ Алкмар (2-2) во реваншот од четвртфиналето во Конференциската лига, но се пласира во следната рунда поради триумфот од 3-0 во првиот меч.

Првото полувреме помина без погодоци, но Алисон во 58. минута стрелаше за предност од 1-0 на Шахтер.

Холандскиот тим го засили темпото и набрзо направи пресврт со головите на Јенсен и Син (2-1), но Шахтер во 83. минута преку Лука Меирелеш ги постави конечните 2-2.

Украинската екипа во полуфинале ќе се соочи против подобриот од мечот меѓу Кристал Палас и Фиорентина.

Фото: Facebook/FC SHAKHTAR