Дресовите на Кари најпродавани во НБА, Јокиќ едвај во топ-10

Иако многумина го сметаат за најдобар кошаркар денес, Никола Јокиќ едвај успеа да го задржи своето место меѓу првите десет. Голден Стејт Вориорс помина низ турбулентна сезона, пно опуларноста на Стеф Кари не опаѓа. Легендарниот шутер ја задржа својата позиција број 1, докажувајќи дека е сè уште најпрепознатливото лице во кошарката на глобално ниво. Веднаш зад него, на второто место, е Лука Дончиќ, чиј трансфер во Лос Анџелес Лејкерс предизвика вистински земјотрес на пазарот. Дончиќ со тоа стана најпродаваниот европски играч, надминувајќи ги ветераните и директните ривали.

Најголемото изненадување на самиот врв е Џејлен Брансон (#3), кој стана икона за навивачите на Њујорк Никс. Неговиот дрес се продава побрзо од кога било, што е придружено со враќањето на Никс на врвот на Источната конференција. Францускиот вундеркинд Виктор Вембанјама се најде на високото четврто место, додека Леброн Џејмс ја заокружи првата петорка, покажувајќи неверојатна долговечност на пазарот дури и доцна во својата кариера.

Особено е важен Купер Флаг (#9). Младата ѕвезда на Далас Маверикс е единствениот почетник на оваа листа, откако се најде меѓу првите 10 во својата прва сезона. Неговиот дрес стана основен дел од гардеробата за помладите генерации навивачи низ Тексас и светот.

И покрај тоа што доминира во лигата со години, центарот Никола Јокиќ е на дното од првата десетка, пред играчите со значително пониски перформанси, но поголемо маркетиншко влијание.