Македонија од последниот барабан во ждрепката за Европското првенство

Заедно со нас, во тој ранг се уште Хрватска, Србија, Исланд, Украина и Грција, селекции со кои не можеме да бидеме во иста група. Првенството ќе се одржи од 3 до 20 декември во пет држави: Полска, Романија, Чешка, Словачка и Турција со тоа што две од шесте групи ќе се играат во Романија, во Орадеа и Клуж. Домаќините ќе бидат во улога на носители на групите, а во втората група во Романија, во таква улога е Унгарија. Покрај Орадеа и Клуж, натпревари од првиот сегмент ќе се играат уште во Анталија, Брно, Катовице и Братислава.

Двете најдобри репрезентации од секоја група продолжуваат во главната фаза од првенството чии натпревари ќе се играат во Клуж и Катовице, додека завршниот дел, полуфиналето и финалето се на програмата во Катовице.

БАРАБАНИ ЗА ЖДРЕПКАТА
1: Норвешка, Данска, Унгарија, Франција, Шведска, Холандија
2: Германија, Црна Гора, Полска, Романија, Шпанија, Чешка
3: Турција, Словачка, Словенија, Швајцарија, Австрија, Фарски Острови
4: Хрватска, Србија, Исланд, Македонија, Украина, Грција