Симеоне емотивно до Гризман: Ти си човек за почит!

08 април 2026 - 14:59

Диего Симеоне пред вечерашниот натпревар против Барселона испрати и порака до Антоан Гризман кој ја игра последната сезона во Атлетико и од наредната ќе се пресели во МЛС лигата во екипата на Орландо.

Гризман за Атлетико постигна 211 голови во сите натпреварувања, па негвото заминување секако има и тежина, но исто така тој е и еден од ретките кои го носеше дресот и на Барселона и на Атлетико.

„Не зборувам само како тренер, туку и како навивач на Атлетико, што всушност и сум“, исткана тренерот Диего Симеоне, кој е на клупата на тимот уште од 2011 година.

Тој му се заблагодари на Гризман за посветеноста, скромноста и професионализмот:

„Ти си личност вредна за почит во време кога на младите им се потребни вистински примери. Ти благодарам за сè што ни даде, што ни даваш и што ќе ни дадеш“, заврши аргентинскиот стратег.