РФМ ги отвори вратите за дуелот на Македонија против светскиот вицешампион!

Ракометна федерација на Македонија (РФМ) одлучи да не се наплаќаат билети за дуелот со светскиот вицепрвак Германија, средбата што ќе се одигра на 8 април (среда) од 18 часот во СЦ „Борис Трајковски“, по што македонските ракометарки ги очекува и гостување кај Словенија. Македонија сè уште е во игра за пласман на Европско првенство во ракомет 2026, кое ќе се одржи во Романија, Словачка, Турција, Полска и Чешка.

Со победата над Белгија од 33-28, нашата селекција практично го обезбеди третото место во групата, и покрај поразот во првиот меѓусебен дуел (25-26). Покрај прво и второпласираните од квалификациските групи, на Европското првенство ќе се пласираат и четирите најдобри третопласирани репрезентации – што значи дека Македонија и тоа како има за што да се бори во завршницата.