Хрватска пресилна, Македонија со пораз на домашен терен ги заврши квалификациите

На домашен терен, во Градски парк, нашите кошаркарки загубија од Хрватска со 53-91 што и не е изненадување ако се има предвид дека на трите натпревари овој месец, Македонија настапи со драстично изменет и подмладен состав. Хрватска беше фаворит не само на овој меч, туку и воопшто во квалификациите.

Најголем дел од работата, гостинките завршија во првата четвртина која ја добија со 21-6. Меѓу првиот и вториот период имаа серија од 14-0, се чинеше дека ќе дојдат до многу поубедлива победа, но македонските кошаркарки се разбудија и во натамошниот дел од мечот беа многу порамноправни.

Во отсуство на најдобрата Мерит Хемпе, Милица Николиќ ја предводеше македонската репрезентација со 16 поени, Селцова додаде 13, а Пислевска девет.