НБА подготвува експанзија – Лас Вегас и Сиетл ќе платат милијарди за место во лигата

16 март 2026 - 17:43

НБА се подготвува за ново поглавје кое ќе биде отворено во 2028 година. Тукушто ќе воспостави нов поредок во европската кошарка, НБА ќе доживее промени во форма на нови тимови што планира да ги прими во својата организација.

Како што објави Шемс Чаранија, Одборот на гувернери ќе го разгледа влегувањето на два тима - од Лас Вегас и Сиетл. Тие ќе треба да платат помеѓу седум и десет милијарди долари за да добијат лиценца, но бидејќи се на многу силни пазари, се очекува дека ќе генерираат сериозна сума пари и ќе им се исплати на инвеститорите.

Астрономски бројки што ќе ја зголемат лигата на 32 тима поделени во две конференции. Ова ќе доведе и до промени во изгледот на самите конференции. Се очекува Минесота Тимбервулfс и Мемфис Гризлис да се преселат на Исток во случај Лас Вегас и Сиетл да влезат во натпреварувањето.

Поминаа речиси две децении од последното проширување на НБА. Ова се случи во 2004 година кога беа додадени Шарлот Бобкетс (сега Хорнетс). Лас Вегас никогаш немал НБА тим, додека Сиетл ги имаше познатите Суперсоникс, каде Кевин Дурант ја почна професионалната кариера. Соникс беа шампиони на лигата во 1979 година.