Неверојатно: 16-годишен голман ќе брани за Баерн Минхен во ЛШ

15 март 2026 - 15:50

Баерн Минхен се соочува со голем проблем со голманите, откако капитенот на германскиот гигант, Мануел Ноер е повреден и надвор од конкуренција веќе некое време, а Јонас Урбиг доживеа потрес на мозокот во дуелот против Аталанта (6-1), додека Свен Улрајх по средбата со Баер пријави проблеми со повреда.

Повреден е и четвртиот чувар на мрежата Леон Кланац, па поради тоа во конкуренција за реваншот против Аталанта во Лигата на шампиони (ЛШ) е 16-годишниот голман Леонард Прескот.

Младиот голман кој во последните денови ѝ се приклучи на првата екипа и веќе беше на клупата за резервни играчи во осминафиналето на ЛШ сега ќе добие шанса да брани од првата минута во реваншот против Аталанта.

Прескот е роден во Њујорк, а висок е 196 сантиметри и досега настапуваше за младинските репрезентации на Германија.

Фото: Instagram/fcbayerncampus