Пикфорд киксираше и му подари победа на Арсенал! (ВИДЕО)

14 март 2026 - 20:29

Арсенал беше на чекор да загуби важни бодови против Евертон во битката за титулата, но на крајот успеа да слави со 2-0.

Доминираа избраниците на Артета и создадоа многу повеќе шанси од противникот, сепак недостауваше реализацијата. Така во првиот дел мрежите мируваа.

Слична беше сликата и во второто полувреме, а на крајот одлучувачкиот момент се случи во самата завршница.

Виктор Ѓокереш се најде на вистинското место во 89. минута по нафрлувањето од Инкапие, но мора да се истакне катастрофално лошата реакција на голманот Пикфорд во оваа ситуација. Во продолжение кога и Пикфорд тргна напред, тинејџерот Дауман го постави конечниот резултат.

Арсенал со оваа победа дојде до десет бода повеќе од Манчестер сити, меѓутоа „граѓаните“ имаат два натпревари помалку.

Во вториот натпревар Њукасл со голот на Гордон се радуваше на триумф од 1-0 на гости кај Челси.