Брутална ждрепка за ЛШ: Гвардиола пак против Реал – европскиот на светскиот првак!

27 февруари 2026 - 12:43

Лигата на шампионите влегува во својата најатрактивна фаза, откако денеска во седиштето на УЕФА во Нион беа извлечени двојките за осминафиналето.

Шеснаесет екипи остануваат во трката за највредниот европски клупски трофеј, а ждрепката донесе неколку вистински фудбалски спектакли. И овојпат, според новиот натпреварувачки формат, ждрепката беше полудиригирана, но тоа не ја намали возбудата. Во центарот на вниманието е новиот европски класик меѓу Манчестер Сити и Реал Мадрид, дуел во кој Пеп Гвардиола повторно ќе се соочи со „кралевите“.

Дополнителен интерес носи и пресметката меѓу ПСЖ и Челзи, во која францускиот првак ќе има можност за реванш по поразот во финалето на Светското клупско првенство минатото лето. Првите осминафинални средби ќе се одиграат на 10 и 11 март, додека реванш-натпреварите се закажани една недела подоцна.

ОСМИНАФИНАЛЕ – ЛИГА НА ШАМПИОНИ:

ДВОЈКИ

ПСЖ – Челзи

Реал Мадрид – Манчестер Сити

Њукасл – Барселона

Бодо/Глимт – Спортинг

Галатасарај – Ливерпул

Аталанта – Баерн Минхен

Атлетико Мадрид – Тотенхем

Баер Леверкузен – Арсенал