Алкараз бара промена на правилата: Навистина е апсурдно!

По натпреварот, 22-годишниот Шпанец, моментално број еден во светот, остро го критикуваше правилото за време помеѓу поените и побара таа да се промени. Тој детално ја опиша расправијата со судијата откако беше предупреден за пречекорување на временското ограничување.

„Правилото за време е апсурдно. Играв поен каде што спринтав до мрежата за да го завршам. Отидов да земам крпа и немам време. Таа ми рече дека го запрела часовникот, но она што го кажа беше апсурдно. Ја погледнав на три или четири секунди до крајот бидејќи не можев да ја удрам топката. И таа ме предупреди.

Судиите треба да бидат малку пофлексибилни, правилото треба да се промени и треба да додадеме повеќе секунди. Смешно е што во тешки натпревари истиот проблем постојано се случува. Многу играчи се чувствуваат исто. Се обидувам да се прилагодам и знам дека времето мора да се почитува, што често значи дека ја прескокнувам мојата вообичаена рутина. Одам побрзо, ја допирам топката помалку кога ќе видам дека е итно“, објасни Алкараз.

Тенисерите имаат 25 секунди помеѓу поените за да се одморат и да започнат нов поен.