Изненадување: Клоп доби улога на Зимските Олимписки игри!

17 февруари 2026 - 13:55

Легендарниот поранешен тренер на Ливерпул и актуелен шеф на фудбалот на групацијата Ред Бул, Јирген Клоп, доби улога на Зимските Олимписки игри.

Клоп денеска со ѕвончето ќе го означи последниот круг од машката биатлонска штафета, спорт за кој се вљубил уште во детството во германскиот Шварцвалд.

Имено, поранешниот тренер на Ливерпул и Борусија Дортмунд порасна во Шварцвалд, каде ја открил љубовта кон биатлонот и е голем обожавател на легендарниот норвешки биатлонец Оле Ајнар Бјорндален, кој освои 14 олимписки медали.

„Јас сум фан на сè и ги сакам сите алпски скијачки дисциплини, посебно биатлонот. Сè е едноставно возбудливо. Некои работи ги разбирам подобро затоа што години ги следам или и сам сум ги правел. Други работи воопшто не ги разбирам. Немам поим како некој во карлинг може да се свитка така ниско, да остане стабилен и уште да ја турка куглата“, изјави Клоп.

Тој се надева дека ќе ја изведе задачата подобро од поранешниот канцелар Џереми Хант, кој додека беше министер за култура за време на Олимписките игри во Лондон 2012, речиси удри минувачи во лице кога ѕвончето му излетало од рака.