Одличен настап на Ивановски: Во Севиља забележа трет најдобар резултат во кариерата

Патеката од 42,195 километри, тој ја истрча за 2:12:23 часа што е негов трет најдобар резултат во кариерата. Иако е за четири минути послаб од неговиот и државен рекорд (2:08:26), сепак претставува извонредно време во оваа фаза од сезоната. Само 30 секунди го делеа Ивановски од вториот личен најдобар резултат во кариерата, од маратонот во Валенсија во 2023 година (2:11:53). Во конечниот пласман во Севиља го освои 38. место со нешто повеќе од осум минути заостанување зад победникот Шура Китата Тола од Етиопија.

Со денешниот резултат, Ивановски обезбеди пласман и на Европското првенство во Бирмингем што ќе се одржи во август годинава.