Toтнем избра Хрват за нов тренер

13 февруари 2026 - 15:15

Како што стојат работите во редовите на Тотнем избрал нов стратег и тоа ќе биде Хрватот, Игор Тудор кој во Лондон треба да пристигне како привремено решение.

Според информациите на Фабрицио Романо наскоро се очекува Тотнем да го потврди ангажманот на Тудор до крајот на сезоната, додека за на лето како главни фаворити се најавуваат Роберто Де Зерби и Маурисио Покетино.

Дека навистина Тудор е на чекор од Тотнем пишува и новинарот Аласадир Голд кој секогаш важи за добро информиран кога во прашање е клубот од Лондон. Тој додава и дека Тудор сепак ќе има можност со резултатите и да се избори за долгорочен договор.

Причината поради која што се одлучиле за него наводно е тоа што во клубот сакале искусен стратег кој може брзо да донесе подобри резултати бидејќи тимот се наоѓа на 16-тата позиција и блиску до опасната зона.

Тудор во ваква улога беше и минатата година во Јувентус каде што подоцна доби и долгорочен договор откако ја исполни главната цел и се пласираше во Лигата на шампионите, но сезонава резултатите одново не беа на посакуваното ниво, па „старата дама“ го отпушти.